Aasivik sender klar besked til Trump

Postvæsenet markerer 50-året for det første Aasivik.

Aasivik-veteraner samlet til 50-års jubilæum i Narsaq, fra venstre til højre Klara Kleist, Ole Lykke, Magga Karlsen, Johan Lund Olsen, Hjalmar Dahl, Najaaraq Paniula, Janne Kleist, Trudy Høy Kreutzmann, Feerti Lund, Kuupik V. Kleist, Mariia Simonsen.

Foto: Hans-Peter N. Bay

Kurt Kristensen Kurt Kristensen Journalist

Offentliggjort søndag 26. jul 2026 15:05

Narsami aaseqataasut Amerikamiut præsidentiat Donald Trump, Kalaallit Nunaannik tiguaanissaminik sioorasaariuartoq sakkutuunillu saassussinissaminik sioorasaarisartoq, erseqqissumik oqariartuuteqarfigaat.

- Nunatsinnik tiguaaniarnerit arsaarinninniarnerillu Nunatsinnilluunniit inuiaat piumasaasa akerlianik atuiniarsarinerit tamaasa itigartippavut, Aasiviup juulip aqqaneq-aappaanni naggataarneqarnerani peqataasut nalunaarumminni allapput.

Aasiviup siullerpaamik aaqqissuunneqarneranit ukiut 50-it qaangiunnerat nalliussineqarpoq, 1976-imilu Narsap Iluani tupernik nappaanermisut tupernik nappaasoqarluni.

Kalaallit kinaassusiat, kulturiat namminiilivinnissaallu ukiuni 50-ini suli anguniarneqartut, nalunaarummit ersersinneqarpoq naak peqataasut ilarpassui qeerasaartunngorsimagaluartut.

– Nunatta tiguniarneqarnissaa arsaarinnissutigineqarnissaalu inuutilluta akiortuassavavut, Nunarpummi naassaanngitsumik angerlarsimaffigaarput illersorusullugulu, nalunaarummi allassimavoq.

Annonce

Aasivik suli pisariaqartinneqartoq

Ukiuni 1976-imit 1996-imut Aasivinnik aaqqissuussisarnerit ingerlateqqinneqartarput, politikikkullu oqallinnerit kulturikkullu sammisat namminersornerulernerup namminersulernerullu nalaani pingaaruteqarluinnarput.

– Aasivillu suli pisariaqartinneqartoq, aaqqissuisut siulittaasuat Oleeraq Nielsen Sermitsiamut oqarpoq.

Siallertaraluartoq tupersuarmi silamilu asimi aaqqissuussinerit ingerlanneqarput.

– Immitsinnut suli ungasippallaarpugut, nunap siamasinnera aamma inoqatinut attaveqaqatigiittarfitsigut oqallinnerit sakkortuut pissutigalugit. Inoqatinut attaveqaqatiginnissinnaaneq amigaatigaarput, Aasiviullu ataatsimoorluta naapittarnissamik pisariaqartitsineq matussusersinnaavaa, tamatumani politikikkut kulturikkullu sammisat Nunatsinnut pingaaruteqartut oqaluuserineqartassallutik, Oleeraq Nielsen oqarpoq.

Taamaattorli ukiut tamaasa Aasivinnik aaqqissussisarnerit aallarteqqinnissaat maannakkut pilersaarutaanngilaq, ukiulli 50-inngortorsiorlugit aaqqissuussinermi sinneqartooruteqalaarmat, taakku Narsami nipilersortartunik festivalertitsinermut atorneqassallutik, ajornanngippat Akilinermiunik nipilersortartunik peqataaffigineqarsinnaasumik. Oleeraq Nielsen nammineq Aasivik 1992-imi Nanortalimmi aamma 1995-imi Narsami peqataasimavoq.

Narsami Aasiviup siullermeernerata kingorna ukiut 50-it qaangiuttut allakkerivik frimærkimik Ivínguak’ Stork Høeghimit titartarneqartumik saqqummersitsivoq, tassani politikimut tunngasunik oqallittarnerit, nipilersornerit katerisimaarnerillu ersersinneqarlutik.

Ivínguak’ Stork Høegh, 1982-imi Aasianni inunngortoq, Nunatsinni Eqqumiitsuliornermut Ilinniarfimmi aamma Aarhus Kunstakademi-mi ilinniarsimavoq, 2021-miillu Eqqumiitsuliornermut Ilinniarfimmi Nuummiittumi pisortaalluni.

Aasivinni pisartut frimærkemi ukiunik 50-inngortorsiornermut atatillugu saqqummersinneqartumi ersersinneqarput.

Abonnement

For at læse videre skal du være abonnent! Log ind

Sermitsiaq.gl - web artikler

Adgang til alle artikler på Sermitsiaq.gl
Pr. måned kr. 59.00
Pr. år kr. 650.00

KØB ABONNEMENT

Kære Læser, Velkommen til Sermitsiaq.gl – din kilde til nyheder og kritisk journalistik fra Grønland. For at kunne fortsætte vores vigtige arbejde med at fremme den frie presse og levere dybdegående, kritisk journalistik, har vi indført betaling for udvalgte artikler. Dette tiltag hjælper os med at sikre kvaliteten af vores indhold og støtte vores dygtige journalister i deres arbejde med at bringe de vigtigste historier frem i lyset. Du kan få adgang til betalingsartiklerne fra kun kr. 59,- pr. måned. Det er nemt og enkelt at købe adgang – klik nedenfor for at komme i gang og få fuld adgang til vores eksklusive indhold. Tak for din forståelse og støtte. Dit bidrag hjælper os med at fortsætte vores mission om at levere uafhængig og kritisk journalistik til Grønland.